不知不覺, 已經有成7個月冇係呢度留下字句
呢段時間經歷左唔少野,無論個人、事業等等
因為一個"懶"字，所以都咩都冇留低過

之不過今日好想記低一件事, 或者會係今年ge轉捩點
星期六復工日開會時 ,當以為又係老新常談時
老闆同所有人黎左一次review, 逐過人講過去及未來
佢對每個人都有評價，亦好坦白咁講左佢來年要求

估唔到講我個part竟然佔左一半時間, 俾左好多意見同埋一d新思維我
亦指出左我ge不足
查實呢幾個月黎, 我一直都覺得好似有d迷失, 裹足不前
星期六一席話，突然令我再一次思考自己ge將來, 特別係如何成為一個更有能力的人
或者係時候要將自已帶到去另一個層次、另一種思維模式
以我呢個年紀可以走多這一步，的確唔錯

姑勿論佢o個一席話是安撫人心又好，定係真心對我好都好
如果呢一年真係做到佢所講咁樣超越自己，亦未嘗唔係一件好事
起碼我會俾人走快幾步

聽日開始，要有一個新的突破，就睇下自己可以搵到幾多潛能

過濾性病毒

星期五好地地係公司做野, 5 點幾冇啦啦肚痛, 但係去廁所又冇用
個胃愈來愈痛, 連抖啖氣都痛到死...
終於番去將軍澳醫院睇急症, 等車ge 時候d人見到我個痛樣肯定以為我係傻架
千辛萬苦睇左醫生, 佢話我個胃俾過濾性病毒入侵!!!!! 又冇食錯野..d 同事又冇事, 都唔知做咩...

人生有意識後, 第一次俾 nurse 係 patpat 打針, 真係有d 怕醜!

就係咁, 我終於嘗試到做野以黎第一次星期六唔洗番工ge 滋味~!

免費請大家到菲律賓

享受一個綠色之旅, 與鯨鯊共舞!!!!!

快d 黎參加啦!!!!　仲有game 玩 : www.tao-ti.com

自從6月中旅遊展之後,呢半年一浪接一浪ge工作終於暫告一段落
即使有野做, 都慢慢黎, 有時什至咩都唔做等放工添! 好過份!不過真係好累

黎緊ge 日子好快又會忙過, 最重要真係要學好d普通話先!

後日又去菲律賓工作, 呢次去ge地方真係超正, 如果唔洗做就好!

El Nido 愛妮島 - 度蜜月一流!

出左黎做野, 有時真係難免同人比較
就算工作幾有趣都好, 現實上仲有其他野都好重要
人始終要生活

Exhausted 的一天!!!!! 又Presentation seminar 又trade show

今日係會展set 場, 我地個booth 有d 比下去,
o個一刻我好質疑自己係咪做得唔好, 冇善用資源
其實我心底好唔鍾意用冇budget 黎做藉口
如果每一件事都覺得ok 就算, 回顧時俾藉口自己過關
永遠都唔會有進步 ,亦唔會係最 outstanding

從來都唔覺得自己做野做得好, 相反有時都幾不濟
但 我永遠都希望可以做到最好

硬件不濟, 唯有呢幾日靠軟件突破重圍, 出謀制勝

大家有時間不妨黎下旅遊展 (12/6-15/6)!!!!